Награди за најдобро украсен двор, излог и стопански објект

Општина Берово избра најдобро украсен двор, стопански објект и излог

Со одлука на Советот на општина Берово од Буџетот на општината беа одделени по 4.000 денари за сопствениците на најубаво украсен индивидуален двор, стопански објект и излог. Комисијата за доделување награди формирана од градоначалникот Драги Наџински по претходна обиколка низ градот и другите населени места од Општина Берово ги избра следните:

• За најдобро украсен двор и семејна куќа се прогласени дворот и куќата на Корчовски Сашо и Славица;
• За најдобро украсен стопански двор Комисијата ја избра Месната Заедница Ратево, како правен субјект;
• За најдобро уреден излог со новогодишна содржина беше одбран излогот на Наташа Попочовска.

Паричната награда на сопствениците им ја врачи градоначалникот на Општина Берово Драги Наџински.